臺灣本土語言

第 10 階　第 6 課　才智能力（6／7）

播放速度

  1. 伊寫功課緊跤緊手，逐擺攏是頭一个完成的。

    他寫作業敏捷快速，每次都是第一個完成的。

    I siá kong-khò kín-kha-kín-tshiú, ta̍k-pái lóng sī thâu tsi̍t ê uân-sîng--ê.

  2. 逐家攏莫插伊，伊就變無撚。

    大家都不理他，他就沒戲唱了。

    Ta̍k-ke lóng mài tshap--i, i tō piàn-bô-lián.

  3. 咱人總是想欲預測當時會大地動，毋過到今猶是變無撚。

    我們人類總是想預測何時會大地震，不過至今仍是沒有辦法。

    Lán-lâng tsóng-sī siūnn-beh ī-tshik tang-sî ē tuā tē-tāng, m̄-koh kàu-tann iáu-sī piàn-bô-lián.

  4. 伊搬的猴齊天通臺灣算上上腳的。

    他扮演的孫悟空角色在全臺灣算最出色的。

    I puann ê Kâu-Tsê-thian thong Tâi-uân sǹg siōng tsiūnn-kioh--ê.

  5. 代誌舞甲亂操操閣袂得收山，就準倩仙來嘛無變撚。

    事情搞得亂七八糟又無法收拾，就算請神仙來也無計可施。

    Tāi-tsì bú kah luān-tshau-tshau koh bē-tit siu-suann, tō tsún tshiànn sian lâi mā bô piàn-lián.

  6. 時機䆀生理無蓋好做，毋過會曉變撚的人嘛是有才調趁大錢。

    景氣很差生意難做，不過懂得變通的人還是有辦法發大財。

    Sî-ki bái sing-lí bô kài hó tsò, m̄-koh ē-hiáu piàn-lián ê lâng mā sī ū tsâi-tiāu thàn-tuā-tsînn.

  7. 做人毋通執死訣，愛綴會著時代。

    做人不要固執守舊，要跟得上時代。

    Tsò-lâng m̄-thang tsip-sí-kuat, ài tuè ē tio̍h sî-tāi.

  8. 坐著愛坐予好勢，跤按呢相袚袂看口得。

    坐得有坐相，雙腳這樣子交疊不好看。

    Tsē tio̍h-ài tsē hōo hó-sè, kha án-ne sio-phua̍h bē-khuànn-kháu--tit.

  9. 你是腦筋相袚是無，一人千一，四个人煞算做三千四。

    你是不是腦袋不靈光，一人一千一百，四個人竟然算成三千四百。

    Lí sī náu-kin sio-phua̍h sī--bô, tsi̍t lâng tshing it, sì ê lâng suah sǹg-tsò sann-tshing sì.

  10. 你跤手毋就較猛掠咧，傷慢手就做無工課。

    你動作要敏捷一點，動作太慢工作就沒有進度。

    Lí kha-tshiú m̄-tō khah mé-lia̍h--leh, siunn bān-tshiú tō tsò bô khang-khuè.

  11. 有一寡相命仙璇石喙，講甲糊瘰瘰，愛細膩。

    有一些算命仙能言善道，說得天花亂墜，要小心。

    Ū tsi̍t-kuá siòng-miā-sian suān-tsio̍h-tshuì, kóng kah hôo-luì-luì, ài sè-jī.

  12. 阮老爸牽阿明做師仔，伊也確實出眾，學都無兩冬半就出師矣。

    我父親收阿明做徒弟，他也確實很出色，不到兩年半就學藝完成。

    Guán lāu-pē khan A-bîng tsò sai-á, i iā khak-si̍t tshut-tsìng, o̍h to bô nn̄g tang puànn tō tshut-sai--ah.

  13. 下班時間，逐幫車攏櫼甲實捅捅。

    下班時間，每班車都擠得水洩不通。

    Hā-pan sî-kan, ta̍k pang tshia lóng tsinn kah tsa̍t-thóng-thóng.

  14. 伊的頭殼實捅捅，做代誌定定袂曉變通。

    他頭腦愚鈍，做事常常不知變通。

    I ê thâu-khak tsa̍t-thóng-thóng, tsò tāi-tsì tiānn-tiānn bē-hiáu piàn-thong.

  15. 伊想甲心肝實捅捅，毋知欲按怎才好。

    他想得滿心憂慮，不知道怎麼辦才好。

    I siūnn kah sim-kuann tsa̍t-thóng-thóng, m̄ tsai beh án-tsuánn tsiah hó.

  16. 阿明誠好頭喙，人閣真好生張，較加人緣嘛好。

    小明很善於招呼人，外型、體格又好，難怪人緣會好。

    A-bîng tsiânn hó-thâu-tshuì, lâng koh tsin hó senn-tiunn, khah-ke lâng-iân mā hó.

  17. 這項工課你敢有法度佇一點鐘內共做予好勢咧？

    這件事情你有辦法在一小時內做好嗎？

    Tsit hāng khang-khuè lí kám ū-huat-tōo tī tsi̍t tiám-tsing lāi kā tsò hōo hó-sè--leh?

  18. 你若嫁予這號半病仔，定著一世人勞碌。

    你如果嫁給這種不中用的傢伙，肯定一輩子辛苦勞累。

    Lí nā kè hōo tsit-lō puàn-pēnn-á, tiānn-tio̍h tsi̍t-sì-lâng lô-lo̍k.

  19. 伊是較貧惰讀冊爾爾，毋過猶有一步取，就是做工課真頂真。

    他是比較懶得讀書而已，不過還有一個可取之處，就是工作很細心。

    I sī khah pîn-tuānn tha̍k-tsheh niā-niā, m̄-koh iáu-ū tsi̍t-pōo-tshú, tō sī tsò khang-khuè tsin tíng-tsin.

  20. 伊咧做代誌粗跤重蹄，較幼路的工課毋通交代予伊。

    他做事情笨手笨腳的，別把精細的工作交代給他。

    I teh tsò tāi-tsì tshoo-kha-tāng-tê, khah iù-lōo ê khang-khuè m̄-thang kau-tài hōo--i.

  21. 揣翁婿上要緊的是愛彼个查埔的好才閣骨力，外表無遐爾重要。

    選擇夫婿最重要的是男方要有才能又勤勞，外表不是那麼重要。

    Tshuē ang-sài siōng iàu-kín--ê sī ài hit ê tsa-poo--ê hó-tsâi koh kut-la̍t, guā-piáu bô hiah-nī tiōng-iàu.

  22. 這个畫家三兩下手就共人像畫好矣。

    這個畫家三兩下子就將人像畫好了。

    Tsit ê uē-ka sann-nn̄g-ē-tshiú tō kā jîn-siōng uē-hó--ah.

  23. 清潔人員都免半點鐘久，三兩下手就共厝摒甲清氣tam-tam矣。

    清潔人員用不到半小時，身手敏捷地把房子打掃得乾乾淨淨了。

    Tshing-kiat jîn-uân to bián puànn tiám-tsing kú, sann-nn̄g-ē-tshiú tō kā tshù piànn kah tshing-khì-tam-tam--ah.

  24. 伊生成懦懦，看伊做代誌予人活欲急死。

    他天生慢性子，看他做事真是急死人了。

    I senn-sîng nōo-nōo, khuànn i tsò tāi-tsì hōo lâng ua̍h-beh kip--sí.

  25. 伊個性懦懦，拄著僫解決的代誌，就勼轉去矣。

    他個性軟弱退縮，遇到難解決的事情就龜縮回去了。

    I kò-sìng nōo-nōo, tú-tio̍h oh kái-kuat ê tāi-tsì, tō kiu--tńg-khì--ah.

  26. 這條新橋貫串兩个鄉鎮的交通要道，並往過加真利便。

    這座橋連貫這兩個鄉鎮的交通要道，比以前便利許多。

    Tsit tiâu sin kiô kuàn-tshuàn nn̄g ê hiong-tìn ê kau-thong iàu-tō, phīng íng-kuè ke tsin lī-piān.

  27. 這陣上衝，少年家仔上愛看的這齣新劇，自頭到尾演甲真貫串。

    現在最流行，年輕人最喜愛看的這齣話劇，從頭到尾演得非常流暢。

    Tsit-tsūn siōng tshìng, siàu-liân-ke-á siōng ài khuànn ê tsit tshut sin-kio̍k, tsū-thâu-kàu-bué ián kah tsin kuàn-tshuàn.

  28. 張老師貫串畫水彩畫，佇學校內底無人佮伊會比得。

    張老師擅長畫水彩畫，在學校裡面無人能與他比擬。

    Tiunn lāu-su kuàn-tshuàn uē tsuí-tshái-uē, tī ha̍k-hāu lāi-té bô lâng kah i ē-pí--tit.

  29. 遐爾幼茈的囡仔，猶毋捌世事咧。

    年紀那麼幼嫩的小孩，還不懂人情世故啦。

    Hiah-nī iù-tsínn ê gín-á, iáu m̄ bat sè-sū--leh.

  30. 歹勢，我煮食的經驗猶真幼茈，望你多多牽教。

    抱歉，我烹飪的經驗還很不足，還請您多多指教。

    Pháinn-sè, guá tsú-tsia̍h ê king-giām iáu tsin iù-tsínn, bāng lí to-to khan-kà.

  31. 伊這改想欲出來選立法委員，我感覺猶傷幼茈，等後擺啦。

    他這次想要出來選立法委員，我覺得資歷太淺，等下次啦。

    I tsit kái siūnn-beh tshut-lâi suán li̍p-huat uí-uân, guá kám-kak iáu siunn iù-tsínn, tán āu-pái--lah.

  32. 你實在真落坐，佮你出門定會無紮這、無紮彼。

    你真的很散漫，跟你出門老是會忘了帶這、忘了帶那。

    Lí si̍t-tsāi tsin làu-tshe̍h, kah lí tshut-mn̂g tiānn ē bô tsah tse, bô tsah he.

  33. 欲扞數就愛較點陳咧，錢額千萬毋通拂重耽去。

    要管理帳務就要仔細一點，金額千萬不要弄錯。

    Beh huānn-siàu tō ài khah tiám-tîn--leh, tsînn-gia̍h tshian-bān m̄-thang hut tîng-tânn--khì.

  34. 伊去店裡定一軀套裝，吩咐師傅著做較點陳咧，按呢穿著毋才會合軀閣撆紮。

    他去店裡訂製一套套裝，吩咐師傅得做得細緻一些，這樣穿起來才會合身又整齊。

    I khì tiàm--lí tiānn tsi̍t su thò-tsong, huan-hù sai-hū tio̍h tsò khah tiám-tîn--leh, án-ne tshīng tio̍h m̄-tsiah ē ha̍h-su koh pih-tsah.

  35. 這條袚鍊予阿弟仔耍甲袚袚，欲掛愛先敨開。

    這條項鍊被弟弟玩到打結，要戴得先解開。

    Tsit tiâu phua̍h-liān hōo a-tī-á sńg kah phua̍h-phua̍h, beh kuà ài sing tháu--khui.

  36. 伊出車禍傷著頭殼，這馬頭腦定定袚袚，講話反起反倒。

    他出車禍傷到頭部，現在常常腦袋不清，說話反反覆覆。

    I tshut tshia-hō siong-tio̍h thâu-khak, tsit-má thâu-náu tiānn-tiānn phua̍h-phua̍h, kóng-uē huán-khí-huán-tó.

教材來源

教育部臺灣台語常用詞辭典（來源網站）

授權：CC BY-ND 3.0 臺灣（姓名標示－禁止改作）

教育部（2023）。臺灣台語常用詞辭典（臺灣學術網路第二版）。https://sutian.moe.edu.tw/