第 14 階 第 45 課 一般動詞-靜態動詞（9／9）
-
阿爸退休了後定定佇公園佮人泡茶、行棋咧消磨時間。
父親退休後常常在公園和人泡茶、下棋來打發時間。
A-pah thè-hiu liáu-āu tiānn-tiānn tī kong-hn̂g kah lâng phàu tê, kiânn-kî teh siau-môo sî-kan.
-
欲交論文彼站，伊苦無一工有四十八點鐘通用。
要交論文那陣子，他巴不得每天有四十八小時可用。
Beh kau lūn-bûn hit-tsām, i khóo-bô tsi̍t kang ū sì-tsa̍p-peh tiám-tsing thang īng.
-
你死好啦！叫你莫耍股票，你就干干仔欲，今輸甲褪褲矣乎。
你活該啦！叫你不要玩股票，你就偏偏要，現在輸到連內褲都沒了。
Lí sí-hó--lah! Kiò lí mài sńg kóo-phiò, lí tō kan-kan-á beh, tann su kah thǹg-khòo--ah--honnh.
-
咱做代誌著致心。
我們做事必須專心致志。
Lán tsò tāi-tsì tio̍h tì-sim.
-
你就照這个課程聊聊仔綴老師學，準做無底，久來嘛會熟手。
你就按照這個課程慢慢的跟著老師學習，即使沒有基礎，久了也會熟練。
Lí tō tsiàu tsit ê khò-tîng liâu-liâu-á tuè lāu-su o̍h, tsún-tsò bô-té, kú--lâi mā ē si̍k-tshiú.
-
佮人比並起來，伊是較無底，當然愛愈拍拚。
跟人家比起來，他的基礎相對薄弱，當然需要更加努力。
Kah lâng pí-phīng--khí-lâi, i sī khah bô-té, tong-jiân ài jú phah-piànn.
-
出國讀冊這件代誌，我心內猶是無底。
出國念書這件事情，我心裡還是拿不定主意。
Tshut-kok tha̍k-tsheh tsit kiānn tāi-tsì, guá sim-lāi iáu-sī bô-té.
-
膨風無底，勤儉較實在。
說大話不牢靠，勤勞儉樸比較實在。
Phòng-hong bô-té, khîn-khiām khah si̍t-tsāi.
-
伊不時來揣你寫宿題，是憶著恁兜定定有點心通食。
他常常來找你一起寫功課，是圖你們家時常有點心吃。
I put-sî lâi tshuē lí siá siok-tê, sī it-tio̍h lín tau tiānn-tiānn ū tiám-sim thang tsia̍h.
-
這種布料會過風閣會欶汗，做熱天衫真好穿。
這種布料透氣又吸汗，做夏天的衣服很適合穿著。
Tsit tsióng pòo-liāu ē kuè-hong koh ē suh-kuānn, tsò jua̍h-thinn sann tsin hó-tshīng.
-
老骨𠕇砊砊，老皮袂過風。
老人家的骨頭硬朗、皮膚不怕冷風，喻身體硬朗。
Lāu kut tīng-khong-khong, lāu phuê bē kuè-hong.
-
定定欲共人偏，有時陣嘛會食鹼。
常常佔別人的便宜，有時候也會吃到苦頭。
Tiānn-tiānn beh kā lâng phinn, ū-sî-tsūn mā ē tsia̍h-kinn.
-
根據犯案的時間，我人都無佇現場，這嘛是我無可能犯罪的干證。
根據犯案時間，我人又不在現場，這也是我不可能犯罪的證據。
Kin-kì huān-àn ê sî-kan, guá lâng to bô tī hiān-tiûnn, tse mā sī guá bô khó-lîng huān-tsuē ê kan-tsìng.
-
「有理無理，干證先拍起。」對這句話會使看出古早時官府辦案的無合理。
「有理無理，證人先打起。」由這句話可看出古時官府辦案的不合理。
“Ū lí bô lí, kan-tsìng sing phah-khí.” Uì tsit kù uē ē-sái khuànn-tshut kóo-tsá-sî kuann-hú pān-àn ê bô ha̍p-lí.
-
學術界已經接受伊提出的新理論，也通干證伊的看法有一定的道理。
學術界已經接受他提出的新理論，也能證明他的看法有一定的道理。
Ha̍k-su̍t-kài í-king tsiap-siū i thê-tshut ê sin lí-lūn, iā thang kan-tsìng i ê khuànn-huat ū it-tīng ê tō-lí.
-
這擺地動遐爾大，彼間規百年的舊厝講連顫悶著都無。
這次地震那麼大，那間上百年的老屋卻絲毫沒有受損。
Tsit pái tē-tāng hiah-nī tuā, hit king kui pah nî ê kū-tshù kóng liân tsùn-būn--tio̍h to bô.
-
伊遐爾好額的人，損失幾百萬仔伊攏無顫悶著。
他那麼有錢的人，損失個幾百萬他都毫不在意。
I hiah-nī hó-gia̍h ê lâng, sún-sit--kuí-pah-bān-á i lóng bô tsùn-būn--tio̍h.
-
注心去做你的穡，別人的閒仔代莫插較無魍。
專心去做你的事，別人的閒事別管省點心。
Tsù-sim khì tsò lí ê sit, pa̍t-lâng ê îng-á-tāi mài tshap khah bô báng.
-
這馬的囡仔傷好命，物件攏毋知好惜略。
現在的小孩命太好了，東西都不知道要愛惜。
Tsit-má ê gín-á siunn hó-miā, mi̍h-kiānn lóng m̄ tsai hó sioh-lio̍h.
-
這件代誌明明就是你毋著，你閣死毋坐認。
這件事明明就是你的錯，你還死不認錯。
Tsit kiānn tāi-tsì bîng-bîng tō sī lí m̄-tio̍h, lí koh sí-m̄-tshē-jīn.
-
修理電腦，伊是專門的，當然做有路來。
修理電腦，他是專業的，當然有辦法做。
Siu-lí tiān-náu, i sī tsuan-bûn--ê, tong-jiân tsò ū-lōo-lâi.
-
伊轉去到厝，才發見物件囥佇火車裡，煞袂記得提。
他回到家，才察覺東西放在火車上，卻忘了拿。
I tńg-khì kàu tshù, tsiah huat-kiàn mi̍h-kiānn khǹg tī hué-tshia--lí, suah bē-kì-tit the̍h.
-
微生物是一位荷蘭的博物學家，用伊家己製作的顯微鏡發見的。
微生物是一位荷蘭的博物學家，用他自己製作的顯微鏡發現的。
Bî-sing-bu̍t sī tsi̍t uī Hô-lân ê phok-bu̍t-ha̍k-ka, iōng i ka-kī tsè-tsok ê hián-bî-kiànn huat-kiàn--ê.
-
這擺的買賣，本錢掠外，猶趁有兩成。
這次的買賣，本錢除外，還賺了兩成利潤。
Tsit pái ê bé-bē, pún-tsînn lia̍h-guā, iáu thàn ū nn̄g siânn.
-
這站仔接紲幾若日落大雨，臺灣中南部欠水的問題今解決矣。
這陣子接連好幾天下大雨，臺灣中南部缺水的問題現在解決了。
Tsit-tsām-á tsiap-suà kuí-nā ji̍t lo̍h tuā-hōo, Tâi-uân tiong-lâm-pōo khiàm tsuí ê būn-tê tann kái-kuat--ah.
-
這間老牌的飯店欲收擔矣，向望有人通接紲。
這間經營多年的飯店要歇業了，希望有人能夠接手。
Tsit king láu-pâi ê pn̄g-tiàm beh siu-tànn--ah, ǹg-bāng ū lâng thang tsiap-suà.
教材來源
教育部臺灣台語常用詞辭典（來源網站）
授權：CC BY-ND 3.0 臺灣（姓名標示－禁止改作）
教育部（2023）。臺灣台語常用詞辭典（臺灣學術網路第二版）。https://sutian.moe.edu.tw/