第 15 階　第 5 課　俗諺語（5／17）

播放速度

伊頭一遍做大生理，結果「歹船拄著好港路」，進貨了後，物資起大價，予伊趁著大錢。

他第一次做大生意，結果「破舊的船遇到好的航路」，進貨之後，物資大漲，讓他賺到了大錢。

I thâu tsi̍t piàn tsò tuā sing-lí, kiat-kó “pháinn tsûn tú-tio̍h hó káng-lōo”, tsìn-huè liáu-āu, bu̍t-tsu khí tuā kè, hōo i thàn-tio̍h tuā-tsînn.
普渡的時，司公道士唸的咒語無幾个人捌，民間定定供體𪜶是「毛呼龜粿粽，紅包在你送」。

普渡的時候，道士們唸的咒語沒有幾個人知道，民間常常嘲諷他們是「看著祭品隨口亂誦經，心中只有紅包」。

Phóo-tōo ê sî, sai-kong tō-sū liām ê tsiù-gí bô kuí ê lâng bat, bîn-kan tiānn-tiānn king-thé in sī “môo-honn ku kué tsàng, âng-pau tsāi lí sàng”.
這个人從細漢就誠急性，今都食甲五六十矣，做代誌猶是按呢衝衝碰碰，真正是「牛就是牛，牽到北京也是牛」。

他從小就是一個急性子的人，現在都五六十歲了，做事情還是那麼衝動莽撞，真的是「牛牽到北京還是牛」。

Tsit ê lâng tsîng sè-hàn tō tsiânn kip-sìng, tann to tsia̍h kah gōo la̍k-tsa̍p--ah, tsò tāi-tsì iáu-sī án-ne tshóng-tshóng-pōng-pōng, tsin-tsiànn sī “gû tō sī gû, khan kàu Pak-kiann iā sī gû”.
恁兄弟仔干焦會曉佇厝裡相觸，出去到外口就若軟跤蝦咧，俗語講：「牛牢內觸牛母。」是欲按怎會興？

你們兄弟在家裡常常相鬥，出去到外頭就膽小無用，俗話說：「牛圈裡鬥母牛。」怎麼可能會興旺呢？

Lín hiann-tī-á kan-na ē-hiáu tī tshù--lí sio-tak, tshut-khì kàu guā-kháu tō ná nńg-kha-hê--leh, sio̍k-gí kóng, “Gû-tiâu-lāi tak gû-bó.” Sī beh án-tsuánn ē hing?
公司的業務檢討會是欲揣出問題，提高業績，毋是欲「牛牢內觸牛母」，拍歹同事的感情。

公司的業務檢討會是要找出問題，提高業績，不是要「同室操戈」，傷害同事的感情。

Kong-si ê gia̍p-bū kiám-thó-huē sī beh tshuē-tshut būn-tê, thê-ko gia̍p-tsik, m̄ sī beh “gû-tiâu-lāi tak gû-bó”, phah-pháinn tông-sū ê kám-tsîng.
「王梨頭，西瓜尾」是咧講王梨是倚蒂頭的所在上蓋甜，西瓜顛倒是離蒂頭上遠的彼爿較甜，欲食的時先食較無甜的彼爿就會愈食愈甜。

「鳳梨頭，西瓜尾」是說鳳梨最甜的地方是靠近基根底部的那頭，西瓜反而是離蒂頭最遠端的那邊最甜，要吃的時候先吃比較不甜的那邊就會越吃越甜。

“Ông-lâi thâu, si-kue bué” sī teh kóng ông-lâi sī uá tì-thâu ê sóo-tsāi siōng-kài tinn, si-kue tian-tò sī lī tì-thâu siōng hn̄g ê hit pîng khah tinn, beh tsia̍h ê sî sing tsia̍h khah bô tinn ê hit pîng tō ē jú tsia̍h jú tinn.
音樂比賽彈鋼琴的時，阿美彈走精去，比賽比了伊是哭甲目屎四淋垂，老師緊共伊安慰講：「仙人拍鼓有時錯，跤步踏差啥人無？」

音樂比賽彈鋼琴時，小美彈錯了，他賽後哭得唏哩嘩啦，老師趕緊安慰他說：「人有失足，馬有失蹄。人非聖賢，孰能無過？」

Im-ga̍k pí-sài tuânn kǹg-khîm ê sî, A-bí tuânn tsáu-tsing--khì, pí-sài pí-liáu i sī khàu kah ba̍k-sái sì-lâm-suî, lāu-su kín kā i an-uì kóng, “Sian-jîn phah kóo iú sî tshò, kha-pōo ta̍h-tsha siánn-lâng bô?”
𪜶兩翁仔某定定冤家，厝邊看袂落去，欲來鬥排解，無疑悟煞予𪜶怨慼，有影是「仙拚仙，害死猴齊天」。

他們夫妻倆時常吵架，鄰居看不下去，想幫他們排解，沒想到反而被他們怨懟，真的是「城門失火，殃及池魚」。

In nn̄g ang-á-bóo tiānn-tiānn uan-ke, tshù-pinn khuànn bē lo̍h--khì, beh lâi tàu pâi-kái, bô-gî-ngōo suah hōo in uàn-tsheh, ū-iánn sī “sian piànn sian, hāi-sí Kâu-Tsê-thian”.
恁若決心欲接老爸的生理，就愛互相體諒，「兄弟若仝心，烏塗變成金」，同齊拍拚才會成功。

你們如果決心要接手做父親的生意，就要互相體諒，「兄弟同心，其利斷金」，一起努力才會成功。

Lín nā kuat-sim beh tsiap lāu-pē ê sing-lí, tō ài hōo-siong thé-liōng, “hiann-tī nā kāng-sim, oo-thôo piàn-sîng kim”, tâng-tsê phah-piànn tsiah ē sîng-kong.
時機䆀䆀仔，菜脯罔咬鹹，嘛著堅持「加減趁，較袂散」的原則，散工嘛是頭路，阮攏袂棄嫌。

景氣不好，蘿蔔乾湊合著吃，也得堅持「工資高低都去賺，才不至於窮困」的原則，零工也是工作，我們不會嫌棄。

Sî-ki bái-bái--á, tshài-póo bóng kā kiâm, mā tio̍h kian-tshî “ke-kiám thàn, khah bē sàn” ê guân-tsik, suánn-kang mā sī thâu-lōo, guán lóng bē khì-hiâm.
較早有足濟人千辛萬苦對唐山渡海來臺灣，就是因為「臺灣錢，淹跤目」的緣故。

從前很多人千辛萬苦從華南渡海來臺灣，就是因為「臺灣錢財，蓋過腳踝」的緣故。

Khah-tsá ū tsiok tsē lâng tshian-sin-bān-khóo tuì Tn̂g-suann tōo-hái lâi Tâi-uân, tō sī in-uī “Tâi-uân tsînn, im kha-ba̍k” ê iân-kòo.
頂日仔你欲搬厝，恁阿舅專工請假來共你鬥搬，你毋但無感謝伊，閣嫌伊跤手慢，誠實是「外甥食母舅，親像食豆腐」。

前幾天你要搬家，你舅舅特地請假來幫你搬，你非但沒有感謝他，還嫌他笨手笨腳，你這個外甥真是「占盡你舅舅的便宜」。

Tíng-ji̍t-á lí beh puann-tshù, lín a-kū tsuan-kang tshíng-ká lâi kā lí tàu puann, lí m̄-nā bô kám-siā--i, koh hiâm i kha-tshiú bān, tsiânn-si̍t sī “guē-sing tsia̍h bú-kū, tshin-tshiūnn tsia̍h tāu-hū”.
人伊都「幼秀跤，好命底」，見若出門就有司機共伊載，予人有夠欣羨的。

人家他可是「富貴人家」，每每出門就有司機接送，讓人很羨慕。

Lâng i to “iù-siù kha, hó-miā té”, kiàn-nā tshut-mn̂g tō ū su-ki kā i tsài, hōo lâng ū-kàu him-siān--ê.
做萬項代誌攏愛跤踏實地，照起工一步一步來，毋通「未曾學行先學飛，未曾掖種想挽瓜」，按呢才會成功。

做任何事情都要腳踏實地，按部就班的依序漸進，不可妄想「一步登天或不勞而獲」，這樣才會成功。

Tsò bān-hāng tāi-tsì lóng ài kha-ta̍h-si̍t-tē, tsiàu-khí-kang tsi̍t pōo tsi̍t pōo lâi, m̄-thang “buē-tsîng o̍h kiânn sing o̍h pue, buē-tsîng iā-tsíng siūnn bán kue”, án-ne tsiah ē sîng-kong.
臺灣佇亞熱帶，舊曆三、四月仔有時真寒、有時真熱，著愛到五月才較袂反寒，古早人毋才會講「未食五日節粽，破裘毋甘放」。

臺灣在亞熱帶，舊曆三、四月有時很冷、有時很熱，需到五月才比較不會轉冷，因此早期人們才會說「未過端午節，冬衣不能收」。

Tâi-uân tī a-jia̍t-tài, kū-li̍k sann, sì-gue̍h-á ū-sî tsin kuânn, ū-sî tsin jua̍h, tio̍h-ài kàu gōo--gue̍h tsiah khah bē huán-kuânn, kóo-tsá-lâng m̄-tsiah ē kóng “buē tsia̍h Gōo-ji̍t-tseh tsàng, phuà hiû m̄-kam pàng”.
俗語講，「甘蔗無雙頭甜。」也欲清閒，也欲趁大錢，世間哪有遐爾好空的代誌？

俗話說，「甘蔗沒有頭尾都是甜的。」又要清閒，又要賺大錢，世上哪有那麼好的事情？

Sio̍k-gí kóng, “Kam-tsià bô siang-thâu tinn.” Iā beh tshing-îng, iā beh thàn tuā tsînn, sè-kan ná ū hiah-nī hó-khang ê tāi-tsì?
俗語講：「甘願做牛，毋驚無犁通拖。」骨力做，就趁有食。

俗話說：「情願當牛，就不怕沒犁可拉。」只要努力工作，就能求得溫飽。

Sio̍k-gí kóng, “Kam-guān tsò gû, m̄ kiann bô lê thang thua.” Kut-la̍t tsò, tō thàn ū tsia̍h.
叫你讀冊你毋好好仔讀，好啦，你若「甘願做牛，毋驚無犁通拖」，後擺莫反悔就好。

叫你讀書你不好好讀，好啦，你要是「情願當牛，不怕沒犁可拉」，以後別後悔就好。

Kiò lí tha̍k-tsheh lí m̄ hó-hó-á tha̍k, hó--lah, lí nā “kam-guān tsò gû, m̄ kiann bô lê thang thua”, āu-pái mài huán-hué tō hó.
欲對紅紅幼幼的嬰仔，晟養到成樣，愛了偌濟時間、精神佮氣力，古早人毋才會講：「生囝師仔，飼囝師傅」。

要從紅嫩的小嬰兒，養育到成材，要花多少時間、精神和力氣，古人才會說：「生孩子是學徒，養育孩子是師傅。」

Beh uì âng-âng-iù-iù ê enn-á, tshiânn-ióng kàu tsiânn-iūnn, ài liáu guā-tsē sî-kan, tsing-sîn kah khuì-la̍t, kóo-tsá-lâng m̄-tsiah ē kóng, “Senn-kiánn sai-á, tshī kiánn sai-hū”.
你毋知影「生狂狗食無屎」的道理是毋？這款代誌，著愛緊事寬辦，聽候計畫想予周至才來處理。

你是不知道「做事切勿操之過急」的道理嗎？這種事情，事緩則圓，等計畫思考周全後再來處理。

Lí m̄ tsai-iánn “tshenn-kông káu tsia̍h bô sái” ê tō-lí sī--m̄? Tsit khuán tāi-tsì, tio̍h-ài kín-sū-khuann-pān, thìng-hāu kè-uē siūnn hōo tsiu-tsì tsiah lâi tshú-lí.
人講：「生的且一邊，養的恩情較大天。」雖然毋是親骨肉，毋過養爸母的用心晟養愛費偌爾濟苦心，做養子的著愛了解、著愛感恩。

人家說：「養育之恩大於生育之恩。」雖然不是親骨肉，但是養父母的用心栽培得花費多少苦心，做養子的得要了解、要懂得感恩。

Lâng kóng, “Senn--ê tshiánn tsi̍t pinn, iúnn--ê un-tsîng khah tuā thinn.” Sui-jiân m̄ sī tshin-kut-jio̍k, m̄-koh ióng-pē-bú ê iōng-sim tshiânn-ióng ài huì guā-nī tsē khóo-sim, tsò ióng-tsú--ê tio̍h-ài liáu-kái, tio̍h-ài kám-un.
阿義比我較𠢕趁錢，欲招出國𨑨迌的時陣，我隨共應講我趁的月給「生食都無夠，哪有通曝乾」咧？

阿義比我更會賺錢，要邀我去國外旅遊的時候，我立刻回話說我的月薪「應付家用後，所剩無幾，怎可能還有閒錢出國旅遊」呢？

A-gī pí guá khah gâu thàn-tsînn, beh tsio tshut-kok tshit-thô ê sî-tsūn, guá suî kā ìn kóng guá thàn ê gue̍h-kip “tshenn tsia̍h to bô-kàu, ná ū thang pha̍k-kuann”--leh?
餐廳拄倩的彼幾个員工，啥物代誌都袂曉做，閣真捷共碗盤摔害去，真正是「生雞卵的無，放雞屎的有」。

餐廳剛聘請的那幾位員工，什麼事情都不會做，還很常將碗盤摔壞，真的是「成事不足，敗事有餘」。

Tshan-thiann tú tshiànn ê hit kuí ê uân-kang, siánn-mih tāi-tsì to bē-hiáu tsò, koh tsin tsia̍p kā uánn-puânn siak hāi--khì, tsin-tsiànn sī “senn ke-nn̄g--ê bô, pàng ke-sái--ê ū”.
伊按呢做甲經理矣，見若拄著較歹紡的工課就叫別人去處理，若出代誌攏佮伊無底代，「用別人的拳頭拇舂石獅」毋知疼，尾手若有成果就攏品講是家己的功勞，實在予人真慼心。

他都做到經理了，每次遇到比較難處理的工作就叫別人去處理，若出事了都與他無關，「犧牲別人來成就自己」都不會痛，最後如果有成果就都說是自己的功勞，實在讓人很憤懣。

I án-ne tsò kah king-lí--ah, kiàn-nā tú-tio̍h khah pháinn-pháng ê khang-khuè tō kiò pa̍t-lâng khì tshú-lí, nā tshut-tāi-tsì lóng kah i bô-tī-tāi, “iōng pa̍t-lâng ê kûn-thâu-bú tsing tsio̍h-sai” m̄ tsai thiànn, bué-tshiú nā ū sîng-kó tō lóng phín kóng sī ka-kī ê kong-lô, si̍t-tsāi hōo lâng tsin tsheh-sim.
這馬歹討趁閣拄著疫情，毋過「田螺含水過冬」，認真拍拚，總有出頭天的一工。

現在賺錢不容易又加上武漢疫情，不過「若像田螺含水度過寒冬日，等待時機」，認真打拼，總有翻身的一天。

Tsit-má pháinn thó-thàn koh tú-tio̍h i̍k-tsîng, m̄-koh “tshân-lê kâm tsuí kuè tang”, jīn-tsin phah-piànn, tsóng ū tshut-thâu-thinn ê tsi̍t kang.
選舉的時，真捷看著一寡候選人共無影無跡的代誌講甲若真的，正港是人咧講的「白白布染甲烏」。

選舉的時候，很常看到一些候選人把子虛烏有的事情講得像真的，果然如人家所說的「顛倒黑白，指鹿為馬」。

Suán-kí ê sî, tsin tsia̍p khuànn-tio̍h tsi̍t-kuá hāu-suán-jîn kā bô-iánn-bô-tsiah ê tāi-tsì kóng kah ná tsin--ê, tsiànn-káng sī lâng teh kóng--ê “pe̍h-pe̍h-pòo ní kah oo”.
陳的有夠大面神，朋友招伊做伙來厝裡食飯，伊毋但𤆬一家伙仔去人兜齪嘈，閣共人規厝間舞甲亂操操，正正是「皮皮食甲流糍」。

老陳真厚臉皮，朋友約他一同到家裡吃飯，他不但帶了一家老小去別人家打擾，還將整個屋裡搞得亂七八糟，真是「厚顏無恥，丟人現眼」。

Tân--ê ū-kàu tuā-bīn-sîn, pîng-iú tsio i tsò-hué lâi tshù--lí tsia̍h-pn̄g, i m̄-nā tshuā tsi̍t-ke-hué-á khì lâng tau tsak-tsō, koh kā lâng kui tshù-king bú kah luān-tshau-tshau, tsiànn-tsiànn sī “phî-phî tsia̍h kah lâu-tsî”.
阿文仔無細膩共鹽看做白糖，就按呢𣁳去摻咖啡，實在是「目睭花花，匏仔看做菜瓜」。

小文不小心將鹽看成白糖，就這樣舀去加咖啡，真是「眼睛看不清楚，瓠瓜看成絲瓜」。

A-bûn--á bô-sè-jī kā iâm khuànn-tsò pe̍h-thn̂g, tsiū-án-ne khat khì tsham ka-pi, si̍t-tsāi sī “ba̍k-tsiu hue-hue, pû-á khuànn-tsò tshài-kue”.
阿公送到病院的時雖然猶知人，毋過袂講話嘛袂振動，干焦恬恬看病床邊的人，真正是「目睭金金人傷重」。

爺爺送到醫院的時候雖然還有知覺，不過無法講話也無法移動，只靜靜的看著病床邊的人，真的是「眼睛睜大，病情嚴重」。

A-kong sàng kàu pēnn-īnn ê sî sui-jiân iáu tsai lâng, m̄-koh bē kóng-uē mā bē tín-tāng, kan-na tiām-tiām khuànn pēnn-tshn̂g-pinn ê lâng, tsin-tsiànn sī “ba̍k-tsiu kim-kim lâng siong-tiōng”.
北海岸的痟狗湧真恐怖，逐年攏有人予伊絞去，毋過釣魚的人拍死無退，人講：「目睭看佇粿，跤踏著火。」𪜶攏毋知通驚。

北海岸的瘋狗浪很恐怖，每年都有人被它捲走，不過釣魚的人打死不退，人家說：「眼睛看著糕品，腳踩到火」，他們都不知道該害怕。

Pak-hái-huānn ê siáu-káu-íng tsin khióng-pòo, ta̍k-nî lóng ū lâng hōo i ká--khì, m̄-koh tiò-hî ê lâng phah-sí bô thè, lâng kóng, “Ba̍k-tsiu khuànn tī kué, kha ta̍h-tio̍h hué.” In lóng m̄ tsai thang kiann.
伊看著路中央有一百箍趕緊欲去抾，險險仔去予車挵著，真正是「目睭看佇粿，跤踏著火」。

他看見路中央有一百塊錢急著要去撿，險些被車子撞了，真是「眼睛看著糕品，腳踩到火」。

I khuànn-tio̍h lōo tiong-ng ū tsi̍t-pah khoo kuánn-kín beh khì khioh, hiám-hiám-á khì hōo tshia lòng--tio̍h, tsin-tsiànn sī “ba̍k-tsiu khuànn tī kué, kha ta̍h-tio̍h hué”.
你行路攏無咧看路，「目睭看懸，無看低」，塗跤一窟水，你嘛共伊踏落去。

你走路都不看路，「只看高處，不看地面」，路上一汪水，你也踩下去。

Lí kiânn-lōo lóng bô teh khuànn lōo, “ba̍k-tsiu khuànn-kuân, bô khuànn-kē”, thôo-kha tsi̍t khut tsuí, lí mā kā i ta̍h--lo̍h-khì.
阿花仔目頭懸，「目睭看懸，無看低」，咱這陣庄跤的囡仔伴，這馬攏予伊看無目地。

阿花很勢利眼，「狗眼看人低」，我們這群鄉下的兒時玩伴，現在他根本看不上眼。

A-hue--á ba̍k-thâu kuân, “ba̍k-tsiu khuànn-kuân, bô khuànn-kē”, lán tsit tīn tsng-kha ê gín-á-phuānn, tsit-má lóng hōo i khuànn bô ba̍k-tē.
阿明共阿兄討拄買來的四秀仔，閣共阿姊討比賽贏來的獎品，就去予阿媽共罵講「目睭掛斗概，看人物就愛」。

阿明向哥哥要剛買來的零食，又向姊姊要比賽贏得的獎品，所以就被祖母斥責「眼睛掛著平斗的木概，看到別人的東西就想要」。

A-bîng kā a-hiann thó tú bé--lâi ê sì-siù-á, koh kā a-tsí thó pí-sài iânn--lâi ê tsióng-phín, tō khì hōo a-má kā mē kóng “ba̍k-tsiu kuà táu-kài, khuànn lâng mi̍h tō ài”.
老職員認真拍拚，毋過升官加薪攏無伊的份，這遍伊「共天公借膽」，向主管要求加薪，有成無成不常在，伊的勇氣就值得咱呵咾。

老職員認真努力，不過升官加薪都沒他的份，這次他「向老天爺借膽」，向主管要求加薪，成不成功不一定，他的勇氣就值得我們誇獎。

Lāu tsit-uân jīn-tsin phah-piànn, m̄-koh sing-kuann ka-sin lóng bô i ê hūn, tsit piàn i “kā Thinn-kong tsioh tánn”, hiòng tsú-kuán iau-kiû ka-sin, ū sîng bô sîng put tshiâng-tsāi, i ê ióng-khì tō ta̍t-tit lán o-ló.
你毋通冤枉我，我就算是「共天公借膽」，嘛毋敢做這款代誌。

你別冤枉我，我就算「向老天爺借膽」，也不敢做這種事情。

Lí m̄-thang uan-óng--guá, guá tō-sǹg sī “kā Thinn-kong tsioh tánn”, mā m̄ kánn tsò tsit khuán tāi-tsì.

教材來源

教育部臺灣台語常用詞辭典（來源網站）

授權：CC BY-ND 3.0 臺灣（姓名標示－禁止改作）

教育部（2023）。臺灣台語常用詞辭典（臺灣學術網路第二版）。https://sutian.moe.edu.tw/

第 15 階 第 5 課 俗諺語（5／17）

教材來源

第 15 階　第 5 課　俗諺語（5／17）