第 16 階 第 72 課 辭典未標分類（72／81）
-
豬屎籃仔也提出來品並。
俗語，撿拾豬糞的竹籃子也拿出來誇耀。諷剌人死愛面子，粗俗不值錢的東西也拿出來現寶。
Ti-sái nâ-á iā the̍h tshut-lâi phín-phīng.
-
若拄著大節日，有名的餐廳定定攏客滿。
若是遇到大節日，有名的餐廳常常客滿。
Nā tú-tio̍h tuā tseh-ji̍t, ū-miâ ê tshan-thiann tiānn-tiānn lóng kheh-buán.
-
透早起來就激一个屎面。
一大早起來就板著一張臉。
Thàu-tsá khí--lâi tō kik tsi̍t ê sái-bīn.
-
這間店著愛巷仔內的才會知。
這間店必須是行家才會知道。
Tsit king tiàm tio̍h-ài hāng-á-lāi--ê tsiah ē tsai.
-
大學的時，便若放假有閒，阮就會去學校的後壁山運動。
大學時期，每當放假有空，我們就會去學校的後山運動。
Tāi-ha̍k ê sî, piān-nā pàng-ká ū-îng, guán tō ē khì ha̍k-hāu ê āu-piah-suann ūn-tōng.
-
聽講伊的後壁山誠崎，上好莫去得失伊。
聽說他的後臺很強勢，最好別去招惹得罪他。
Thiann-kóng i ê āu-piah-suann tsiânn kiā, siōng-hó mài khì tik-sit--i.
-
欲拜託伊辦，也著前金，也著後謝。
要委託他辦，也得付訂金，也得付尾款。
Beh pài-thok i pān, iā tio̍h tsiân-kim, iā tio̍h āu-siā.
-
投票的時，若無紮印仔，會使簽名抑是頓指模。
投票時，要是沒帶印章，可以簽名或是蓋手印。
Tâu-phiò ê sî, nā bô tsah ìn-á, ē-sái tshiam-miâ ia̍h-sī tǹg tsí-bôo.
-
古早的小姐，攏著學挑花刺繡。
古時候的閨秀，都得學習花草刺繡。
Kóo-tsá ê sió-tsiá, lóng tio̍h o̍h thio-hue-tshiah-siù.
-
你是咧挑花刺繡是毋？哪會摸遐久？
你是在刺繡嗎？怎麼會拖那麼久？
Lí sī teh thio-hue-tshiah-siù sī--m̄? Ná ē bong hiah kú?
-
這袂歹啉，是講，啉了對身體敢無敗害？
這個不難喝，話說回來，喝了對身體不會有害嗎？
Tse bē pháinn lim, sī-kóng, lim-liáu tuì sin-thé kám bô pāi-hāi?
-
伊生理做了失敗，致使規家伙仔定定枵飢失頓。
他因為經商失敗，以至於他全家人經常三餐不繼。
I sing-lí tsò liáu sit-pāi, tì-sú kui-ke-hué-á tiānn-tiānn iau-ki-sit-tǹg.
-
伊幾若頓無食，枵過飢，無體力煞昏倒。
他好幾餐沒吃，餓過頭，沒體力竟暈倒了。
I kuí-nā tǹg bô tsia̍h, iau-kuè-ki, bô thé-la̍t suah hūn--tó.
-
做粗工食體力，到食飯的時，腹肚就足枵燥矣。
做粗工耗體力，到用餐時，往往就飢腸轆轆了。
Tsò tshoo-kang tsia̍h thé-la̍t, kàu tsia̍h-pn̄g ê sî, pak-tóo tō tsiok iau-sò--ah.
-
伊誠枵燥，連紲食三碗飯。
他食欲旺盛，一連吃了三碗飯。
I tsiânn iau-sò, liân-suà tsia̍h sann uánn pn̄g.
-
彼个柝仔頭！叫伊請一頓，袂輸欲共割肉咧。
那個小氣鬼！叫他請一頓，就像要割他的肉一樣。
Hit ê kho̍k-á-thâu! Kiò i tshiánn--tsi̍t-tǹg, bē-su beh kā kuah-bah--leh.
-
過年初二是查某囝日，嫁出去的查某囝攏會佇這工轉去後頭厝。
大年初二是迎婿日，嫁出去的女兒都會在這一天回娘家。
Kuè-nî tshe-jī sī tsa-bóo-kiánn-ji̍t, kè--tshut-khì ê tsa-bóo-kiánn lóng ē tī tsit kang tńg-khì āu-thâu-tshù.
-
柿粿的柿霜毋好洗掉。
柿餅的柿霜不要洗掉。
Khī-kué ê khī-sng m̄-hó sé-tiāu.
-
六月天火燒埔，踮外口一時仔久隨流汗流洘。
六月大熱天，在外面一下子馬上就汗流浹背。
La̍k-gue̍h-thinn hué-sio-poo, tiàm guā-kháu tsi̍t-sî-á-kú suî lâu-kuānn-lâu-khó.
-
好朋友結婚，你才包一千箍，袂看口得啦！
好朋友結婚，你才包一千塊，太難看了啦！
Hó-pîng-iú kiat-hun, lí tsiah pau tsi̍t-tshing khoo, bē-khuànn-kháu--tit--lah!
-
看命無褒，食水都無。
算命的如果不會恭維人幾句，就不會有顧客上門了，那麼他連喝水的錢都賺不到。俗語，比喻江湖術士之言不可盡信。
Khuànn-miā bô po, tsia̍h tsuí to bô.
-
伊想欲騙我，毋過早就予我看破跤手矣。
他想騙我，可是早就被我識破了。
I siūnn-beh phiàn--guá, m̄-koh tsá tō hōo guá khuànn-phuà-kha-tshiú--ah.
-
伊有科學的才能，佇國小一年的時陣，就突顯出來矣。
他有科學才能，在國小一年級的時期，就突顯出來了。
I ū kho-ha̍k ê tsâi-lîng, tī kok-sió it nî ê sî-tsūn, tō tu̍t-hián--tshut-lâi--ah.
-
我佮阮大姊攏相兔，伊足足大我一紀年。
我和我大姊都屬兔，他足足大我一輪。
Guá kah guán tuā-tsí lóng siùnn thòo, i tsiok-tsiok tuā guá tsi̍t khí-nî.
-
日出紅霞，水淋頭額；日落紅霞，曝死老爺。
早晨出現紅霞，就會下雨；黃昏出現紅霞，烈日當空。這是民間流傳的氣象諺語。
Ji̍t tshut âng-hê, tsuí lâm thâu-hia̍h; ji̍t lo̍h âng-hê, pha̍k-sí lāu-iâ.
-
電台節目咧推銷健康食品，定定講甲比美國仙丹閣較好用。
電台節目在推銷健康食品，常常說得比靈丹妙藥還好用。
Tiān-tâi tsiat-bo̍k teh thui-siau kiān-khong si̍t-phín, tiānn-tiānn kóng kah pí Bí-kok-sian-tan koh-khah hó-īng.
-
無彼个美國時間佮你咧捙盤。
沒那個閒工夫和你折騰。
Bô hit ê Bí-kok-sî-kan kah lí teh tshia-puânn.
-
美國塗豆又閣叫做發財樹，人兜的盆栽定看會著。
馬拉巴栗又叫做發財樹，人家家裡的盆栽常看得到。
Bí-kok-thôo-tāu iū-koh kiò-tsò huat-tsâi-tshiū, lâng tau ê phûn-tsai tiānn khuànn ē tio̍h.
-
我看這个人有帶背骨，你毋通傷信用伊。
我看這個人生性容易背叛，你不要太信任他。
Guá khuànn tsit ê lâng ū tài puē-kut, lí m̄-thang siunn sìn-iōng--i.
-
背骨囡仔
吃裡扒外，出賣自己人的叛徒
puē-kut-gín-á
-
閣來這齣戲是苦齣，逐家手巾仔著愛攢予伊好。
再來這齣戲是苦情戲，大家手帕要準備好。
Koh lâi tsit tshut hì sī khóo-tshut, ta̍k-ke tshiú-kin-á tio̍h-ài tshuân hōo i hó.
-
伊生成較懶性，若無較捷共迫促咧，工課進度會去予誤著。
他生性比較懶散，如果不經常督促他，工作進度會被耽誤到。
I senn-sîng khah nuā-sìng, nā bô khah tsia̍p kā pik-tshik--leh, khang-khuè tsìn-tōo ē khì hōo gōo--tio̍h.
-
這件代誌較迫促，愛先處理。
這件事情較急迫，要先處理。
Tsit kiānn tāi-tsì khah pik-tshik, ài sing tshú-lí.
-
城市愈來愈楦大，市郊嘛愈來愈鬧熱。
城市愈來愈向外擴張，市郊也愈來愈熱鬧。
Siânn-tshī jú lâi jú hùn-tuā, tshī-kau mā jú lâi jú lāu-jia̍t.
-
歇睏日伊常在𤆬一家伙仔去郊外𨑨迌。
假日他經常帶領全家人去郊外遊玩。
Hioh-khùn-ji̍t i tshiâng-tsāi tshuā tsi̍t-ke-hué-á khì kau-guā tshit-thô.
-
進前這條街仔有足濟米郊，人攏叫這條街仔米街。
從前這條街道有很多米的批發店，人家都稱呼這條街道是米街。
Tsìn-tsîng tsit tiâu ke-á ū tsiok tsē bí-kau, lâng lóng kiò tsit tiâu ke-á bí-ke.
教材來源
教育部臺灣台語常用詞辭典（來源網站）
授權：CC BY-ND 3.0 臺灣（姓名標示－禁止改作）
教育部（2023）。臺灣台語常用詞辭典（臺灣學術網路第二版）。https://sutian.moe.edu.tw/