第 29 課
-
mama'ari pa! noo ka'aan ku makaasua kipaatʉsʉ ia, 'akia vaantuku tia serupaca kumakʉʉn, mataa marisinatʉ.
還好啦！我如果不那樣努力，就沒錢吃飯和讀書了。
mamaʔar~ɾi pa! noo kaʔaan ku makaasua kipaatɨsɨ ia, ʔakia vaantuku tia ser~ɾupaʦa kumakɨɨn, mataa mar~ɾisinatɨ.
出處生活會話
-
noo te kasuiin katangtangria ia, cau makanaan tia tikirima musu?
如果你要交朋友，你要找怎樣的人？
noo te kasuiin kataŋtaŋr~ɾia ia, ʦau makanaan tia tikir~ɾima musu?
出處生活會話
-
koo pa ku pacʉpʉʉng, tia tikiriim tangria makanaan, nakai, ka'aan ku tia arakukun cau nariisʉvʉ. makanaan iikasu?
我還沒想過要找怎樣的朋友，但是我不要跟虛僞的人在一起。那你呢？
koo pa ku paʦɨpɨɨŋ, tia tikir~ɾiim taŋr~ɾia makanaan, nakai, kaʔaan ku tia ar~ɾakukun ʦau nar~ɾiisɨvɨ. makanaan iikasu?
出處生活會話
-
ikuiin po'uruu'uru, sua Pi'i ia, mamanʉng nguain tamna cʉpʉʉng, paira moraan cau cucumeen, kacaua cau manmaan aracapici 'inia.
我來先說，Pi’i的心地很好，經常幫助別人，很多人喜歡接近她。
ikuiin poʔur~ɾuuʔur~ɾu, sua piʔi ia, mamanɨŋ ŋuain tamna ʦɨpɨɨŋ, pair~ɾa mor~ɾaan ʦau ʦuʦumeen, kaʦaua ʦau manmaan ar~ɾaʦapiʦi ʔinia.
出處生活會話
-
taucʉng sua Kuatʉ, ka'aan 'ituumuru kari, nakai, noteen arakukun putukikio ia, ka'aan mamumuarʉ, paira nguain marivivici.
Kuatʉ 很文靜，話不多，但是若要一起工作，不會閒著沒事，她經常是領頭的。
tauʦɨŋ sua kuatɨ, kaʔaan ʔituumur~ɾu kar~ɾi, nakai, noteen ar~ɾakukun putukikio ia, kaʔaan mamumuar~ɾɨ, pair~ɾa ŋuain mar~ɾiviviʦi.
出處生活會話
-
nimakaan cu ku arakukun 'Uva putukikio, tasiira'ʉ nguain, nakai maraa navicu'u, ma'icʉpʉ ku maakari 'inia.
我有一次跟’Uva一起工作，她很熱忱，但是比較兇，我很怕跟她說話。
nimakaan ʦu ku ar~ɾakukun ʔuva putukikio, tasiir~ɾaʔɨ ŋuain, nakai mar~ɾaa naviʦuʔu, maʔiʦɨpɨ ku maakar~ɾi ʔinia.
出處生活會話
-
mareen ku pokariikari, sii, 'una ku kangvang ka'aan mamanʉng sipangariingari, 'itumuru pa tia ketuturua.
我不好意思說，因為我也有不是很好的行為，值得學習的還很多。
mar~ɾeen ku pokar~ɾiikar~ɾi, sii, ʔuna ku kaŋvaŋ kaʔaan mamanɨŋ sipaŋar~ɾiiŋar~ɾi, ʔitumur~ɾu pa tia ketutur~ɾua.
出處生活會話
-
sua tavara'a maku ia, karanana 'utori mataa musurovu.
據我所知,舞蹈和圍圈圈吟唱是不同的。
sua tavar~ɾaʔa maku ia, kar~ɾanana ʔutor~ɾi mataa musur~ɾovu.
出處生活會話
-
muru'ucaang tamna musurovu ia, maraa ka'upu'upaang, makanaan macangcangarʉ ia, makanaan paracani.
結婚的圍圈圈吟唱比較隨性，怎樣高興就怎樣唱。
mur~ɾuʔuʦaaŋ tamna musur~ɾovu ia, mar~ɾaa kaʔupuʔupaaŋ, makanaan maʦaŋʦaŋar~ɾɨ ia, makanaan par~ɾaʦani.
出處生活會話
-
tia 'una taciin cau pii'uru, 'apaica cu na caniin, paracani cau cucumeen.
要有一個人領唱，其他人再跟著他(她)的歌吟唱。
tia ʔuna taʦiin ʦau piiʔur~ɾu, ʔapaiʦa ʦu na ʦaniin, par~ɾaʦani ʦau ʦuʦumeen.
出處生活會話
-
kangvang matipa cau ia, tia matikiri ramucu, tia 'apamanaatʉrʉ kan cʉpʉʉng makasuin.
所有參加的人都要牽著手，據說是有團結的意思。
kaŋvaŋ matipa ʦau ia, tia matikir~ɾi r~ɾamuʦu, tia ʔapamanaatɨr~ɾɨ kan ʦɨpɨɨŋ makasuin.
出處生活會話
-
miana ia, noo turupaang cu marivina'ʉ ia, te cu mati'araang kaisisi.
以前，在小米收割完之後就要準備祭典了。
miana ia, noo tur~ɾupaaŋ ʦu mar~ɾivinaʔɨ ia, te ʦu matiʔar~ɾaaŋ kaisisi.
出處生活會話
-
iimo, miana ia kapiitua nukai kaarua kara?
所以，以前是在七月或八月嗎？
iimo, miana ia kapiitua nukai kaar~ɾua kar~ɾa?
出處生活會話
-
masiin, karanana cu siacʉvʉrʉ, araaviri na kamana kaisisi.
現在的生活方式不同了，更換在十月祭祀。
masiin, kar~ɾanana ʦu siaʦɨvɨr~ɾɨ, ar~ɾaavir~ɾi na kamana kaisisi.
出處生活會話
-
vanai tia kasisiin tamu nikianara.
因為要祭祀祖先。
vanai tia kasisiin tamu nikianar~ɾa.
出處生活會話