臺灣本土語言

高頻詞 2051–2100

播放速度

  1. losin

    這個詞還沒有單獨的錄音

    例句

    pacʉpʉngʉ cu ra'ani Watan, cucuru tatia sua Ripun sehu. vanai tia 'apacuvungu cuku tamna ngisaa, tarasangai cu sumasanai. tacucuʉn kee manu in Losin movua na Ripun sehu, tuisua cau narangʉ. tanumu cau Ripun, atiumao Losin vo'orua macʉrang. aranai mesua, mati'ʉnʉ'ʉna Losin Watai Saburoo kisʉʉn.

    頭目Watan意識到日本政府的強大，為了族群的延續，他選擇和日本人妥協。 他將他的兒子Losin交給日本政府作為人質，並要求日本人讓Losin接受新式教育。 從此，Losin改名為渡井三郎。

  2. putucauʉn

    這個詞還沒有單獨的錄音

    例句

    putucauʉn Cau Vuvurung mataa sehu. mesua, 'esi na Taiwan Cau Vuvurung, nguain sua msataan purangrangʉʉn.

    他深得原住民族群與政府的信任，在當時，他是台灣非常有威望的原住民。

  3. pasacarapʉ

    使增加

    例句

    kipatʉsʉ nguain makinai na sehu. tia paramanʉngʉ Cau Vuvurung tamna siacʉvʉrʉ. makai pasacarapʉ Cau Vuvurung matipa cʉngcʉ tamna ramangʉ. 'apacʉvʉrʉ Cau Vuvurung tamna cau.

    他積極向政府爭取，讓原住民可以有更好的生活。 例如，增加原住民參與政治的機會、培養原住民族人才等，許多要求。

  4. panapana'ʉ

    這個詞還沒有單獨的錄音

    例句

    cau Sʉkaro cumacʉ'ʉra nguani. pacʉpʉngʉ manasʉ tia iavatu marisuacʉ misee. panapana'ʉ nguani. 'inmamia cu tacini Nakasayana manguru.

    Sʉkaro發現那些遇難的人，誤以為他們是侵略者而展開攻擊。 只有一位漢人存活。

  5. paru'anivi

    使隔離

    例句

    'apaco'e savai sua Sʉkaro, nakai vanai tia paru'anivi maka'ʉna macangini. Amirika tamna taihiu mataa ra'ani Cucito makarikari. makasi ra'ani, miana 'una cucumeni kuka iavatu panapana'ʉ, natia cu mituvangvang puraku cau, imua taracangini kim niaranai cucumeni cau.

    雖然Sʉkaro獲得勝利，但為了避免戰爭再次發生，美國的代表和頭目Cucito談判。 頭目表示，以前有部落遭到外國人侵犯，部落裡的族人幾乎滅絕，才會如此仇視外來者。

  6. si'ai

    這個詞還沒有單獨的錄音

    例句

    vanai tia mara'an Cau Vuvurung musikarʉ na si'ai. 'Auco sehu ariviciʉn nguani Cau Vuvurung tamna mamanu. tia kani aranai tati'ingi pa tuturuʉn cu, makasuin sua mamanu ka'anʉ cu tuisua Cau Vuvurung.

    為了讓原住民族可以更快的融入社會，澳洲政府帶走很多原住民的小孩。 他們認為從小的時候開始教育小孩，小孩就不會成為原住民。

  7. patʉtʉa

    這個詞還沒有單獨的錄音

    例句

    nikamanʉngʉa 'Auco sehu, koo pamanʉngʉ nguani tamna siacʉvʉrʉ. ka'anʉ patʉtʉa nguani sua cau tapunia. niroimi cu masiraru nguani tamna mungka. mamumʉkʉ ka'anʉ cu tarakanangʉ neni sua takacicini. cani mamane koo mʉtʉa masiraru cani pininga, neni sua iku.

    澳洲政府的政策，並沒有為他們帶來更好的生活。 面對白人的不認同，早已遺忘原生文化的他們，對自我的認同也感到困惑與不安。 有些人一輩子都在找尋原本的家庭，和自我的認同。

  8. cungri

    這個詞還沒有單獨的錄音

    例句

    matarava 2008 cenana. 'Auco tamna cungri musu'ʉvʉ na Cau Vuvurung makasi: "soni tia kita masikusa na 'ʉnai isi Cau Vuvurung, cau tamna rikisi mastaan marangʉ, 'esi pa nesi macuvungu mungka musu'ʉvʉ 'inia."

    直到2008年，澳洲的總理正式向原住民族表示歉意。 他說道:＂今天我們向這塊土地上的原住民,人類歷史上最古老、至今仍存續著的文化致敬。

  9. kanganiʉn

    受重視

    例句

    miana tamna vanavanara, ka'anʉ tia makacang aramanʉngʉ. poisua Cau Vuvurung, musu'ʉvʉ cungri maraini misee, kanganiʉn rikisi isua. tia kita tavarʉ'ʉ rikisi, ka'anʉ vanai tia 'apacuvungu surutu. vanai tia takutavʉrʉ'ʉ mataa putucau.

    過去的問題不會馬上解決，對原住民而言，總理的道歉依然是歷史上重要的時刻。 了解歷史，不是為了延續憤怒，而是學習理解與尊重。

  10. maripi

    這個詞還沒有單獨的錄音

    例句

    matianai cu tanasʉn isua 'una 'apitarʉ cau arapiningi. mukʉrʉ nguani nantu maripi tanasʉn nesi. ka'anʉ nguani pakituru tia parisinatʉ manu nanakʉ. ka'anʉ pakituruʉn nanakʉ putukio.

    城鎮開始出現一些危險的男人，他們帶著槍枝控制這裡。 他們不允許女孩上學，也不允許婦女工作。

  11. nipaica

    這個詞還沒有單獨的錄音

    例句

    maca'ivi upeni vuanʉ. tarasangai cu macangini. tʉni cu cau pui'i na tanasʉn. nakai nipaica macangini sua tanasʉn, tararako muru'inasʉ. kipatʉsʉ Malala tumatuturu kasakʉnʉʉn sua sipatuturu. tikirimi sikai muranʉ nguani.

    幾個月過後，戰爭結束了。 大家終於可以回到家園。 可是歷經戰爭的家園變得殘破不堪。 這讓Malala積極宣傳教育的重要，並尋求全世界的幫助。

  12. mucacaca

    這個詞還沒有單獨的錄音

    例句

    mucacaca Malala tumatuturu. maripiningi sinatʉ. matipa rovʉvʉ. tia tumatuturu sikai kasakʉnʉʉn sua sipatuturu. tia makinai takacicini kiatuturu tamna kenri. tia vanai cucumeni manu nanakʉ pokarikari.

    Malala到處演講、撰寫文章、參與訪問。 她要告訴世人教育的重要。 她要為自己爭取受教權，為那些無法替自己訴求的女孩說話。

  13. marikʉpʉ

    這個詞還沒有單獨的錄音

    例句

    tuecang tamna kari. cucuru tumatu'usu Pi'i. pacʉpʉngʉ niatʉnʉsʉa miana, cucuru masangai cu! 'una cu cʉpʉngʉ tia matipuri. marikʉpʉ cu nakʉvʉ tia pui'i tanasʉn.

    隊長的這番話，重重打擊了Pi’i。 回想之前所遇到的困難，她非常灰心，決定放棄夢想，打包行李回到家鄉。

  14. cangini

    敵人

    例句

    Pi'i mataa tuecang. maracocua nguani mukusa tacanginia, tia muranʉ musuvakʉrʉ cu kuaping. nakai pana'ʉn cangini tuecang tamna hikoki tapari'i. arisusunuʉn hetai citi sua Pi'i, makacangaa pui'i.

    Pi’i和隊長趕到戰場救援傷兵，不料隊長的飛機被敵人擊落，基地叫Pi’i立刻撤退。

  15. mami'arʉ

    這個詞還沒有單獨的錄音

    例句

    makasi 'Angai, "ka'anʉ mami'arʉ mamiriki. tia kara kasu kumakʉnʉ mamiriki?"

    ’Angai說：＂李子不酸，你要不要吃李子?＂

  16. masimanʉngʉ

    這個詞還沒有單獨的錄音

    例句

    Ripun sehu masangai cu makasua. makasi tia kani masimanʉngʉ. pokari na tanasʉn cau matacuvungu.

    日本政府不堪其擾，他們以和解為由，邀請部落的族人相聚。

  17. katʉtʉa

    這個詞還沒有單獨的錄音

    例句

    citai mesua. sua 'iseeng ia sasarunai tamna putukioa. Kuatʉ tamna cuma cina, 'una macʉrʉng. tumatuturu 'inia. avara'e sarunai nanakʉ, tapasʉ kava, katʉtʉa kavangvang. noo tʉni atiuma sipatuturu, tʉni cu ara'una avara'e putukioa.

    在當時，醫生幾乎是男生的工作。 Kuatʉ的父母非常有智慧，他們告訴她，不論性別、膚色，大家都是平等的。 只要能接受教育，就可以擁有任何事物。

  18. tukisia

    這個詞還沒有單獨的錄音

    例句

    'inmamia cu Kuatʉ tukisia mukusa araceni tarasinata. 'apaco'e araceni tia tukusaa, ka'anʉ nguain matipuri.

    Kuatʉ只能搭火車到很遠的地方上學。 就算去學校的路途遙遠，她也沒有放棄。

  19. tupi'i

    這個詞還沒有單獨的錄音

    例句

    macuvungu nguain kiatuturu. kinkiu pasavuana tamna nonoman. 'urupaca nonoman isua muranʉ kacaua tupi'i cau, cumacʉ'ʉra cu ciasʉ.

    她繼續學習，創造能夠治癒眼睛的設備，並用這項設備幫助許多失明的人重見光明!

  20. mapuciri

    這個詞還沒有單獨的錄音

    例句

    marivivini, mapuciri nguain tumʉkʉ. avara'e tapasʉ kava, avara'e mamavʉra titicia, tʉni kavangvang mukusa 'inia pasavuana. kacaua cu cau niuranʉa.

    後來，她成立一個組織，不論膚色，不論貧富，都能來尋求幫助。 他們幫助了許多的人。

  21. 'apatunu

    這個詞還沒有單獨的錄音

    例句

    matarava marangʉ cu Kuatʉ. kipatʉsʉ kingkiu pasavuana vo'in mataa 'apatunu macʉrang. tatia niuranʉa kee na cau.

    直到Kuatʉ老年，她都專注於醫治眼睛和傳遞醫療知識。 她的付出帶給人們很大的幫助。

  22. tivukarʉ

    這個詞還沒有單獨的錄音

    例句

    ariviciʉn Pani sua Pa'ʉ mucimʉrʉ matisa'ʉ tivukarʉ. na 'ʉnʉ'ʉnai tikirimi kurai nimaca'a. ko'ua na vanivaniri nusuku tapinange. tuturuʉn Pa'ʉ sua Pani marisinatʉ. avara'e kamanʉngʉa, arakukunu nguani.

    Pani會帶Pa’ʉ去山裡抓野雞，在土裡找甲蟲，還有偷取在懸崖上的鳥巢。 Pa’ʉ會教Pani一起寫作業。 他們做什麼事都要一起。

  23. pakasin

    這個詞還沒有單獨的錄音

    例句

    rovana, cʉ'ʉrʉʉn tamu sua Pani miacicini na 'aravang tumatang. makasi Pani, kamʉcʉ Pa'ʉ ka'anʉ aratʉkʉnʉ. pakasin tamu, "'apaco'e tia aka cʉpʉngʉ, nakai tʉni kamu makai miana Tapucarake aratʉkʉnʉ tamutamua mita, parasingsing tangria musu."

    晚上，奶奶發現Pani獨自在房間哭泣。 Pani跟奶奶說，他一點也不希望Pa’ʉ離開。 奶奶告訴他：＂雖然你很捨不得，但是你可以用從前矮人和我們祖先道別的方式，祝福你的朋友。＂

  24. surien

    這個詞還沒有單獨的錄音

    例句

    miaa 1979 cenana. Surien macangini na Afuhan. kacaua cau vanai macangini isi mamacai.

    1979年的時候，蘇聯對阿富汗發動了戰爭，許多人都在戰爭中被殺害。

  25. vʉrʉka

    這個詞還沒有單獨的錄音

    例句

    1985 cenana. "kuocia tiri cacʉ" tamna sinatʉ vʉrʉka, matakici ucani Afuhan tamna nanakʉ siasing. siasing isi, parakicacʉ na kavangvang sikai.

    1985年，國家地理雜誌的封面，刊登了一張阿富汗少女的照片，這張照片讓整個西方世界感到非常震撼。

  26. kura

    這個詞還沒有單獨的錄音

    例句

    nanakʉ Afuhan isi ia Kura kisʉʉn. nikamanuʉn na 1972 cenana. miaa 1984 cenana, Kura tamna mamarang mamacai na macangini mesua.

    這個阿富汗少女叫做古拉，她生於1972年，在1984年的時候，古拉的父母也都在戰爭中被殺害。

  27. 2022

    這個詞還沒有單獨的錄音

    例句

    2022 cenana. 'Orosʉ maka'ʉna macangini na Ukʉran. kacaua cau na macangini isi mamacai. 'itumuru cu 'acangʉ vanai macangini purupuruʉn ningning cu.

    2022年，俄國又對烏克蘭發動大規模的軍事侵略，許多人都在戰爭中死去，許多城市都在戰爭中被夷為平地。

  28. ningning

    平坦

    這個詞還沒有單獨的錄音

    例句

    2022 cenana. 'Orosʉ maka'ʉna macangini na Ukʉran. kacaua cau na macangini isi mamacai. 'itumuru cu 'acangʉ vanai macangini purupuruʉn ningning cu.

    2022年，俄國又對烏克蘭發動大規模的軍事侵略，許多人都在戰爭中死去，許多城市都在戰爭中被夷為平地。

  29. 'uma'avunu

    這個詞還沒有單獨的錄音

    例句

    'esi na mangtʉ'ai taniara niarakacaua cau musukʉmʉ. makisavang cu mʉna me'i vangata sua musukʉmʉ. ka'anʉ tarasangai macara sua mamacai cau. ka'anʉ pakisapatʉ 'uma'avunu, usʉ'ʉn pa na tapasavuana tina'an cau.

    疫情在短時間內擴大，各國確診人數突破百萬，死亡人數也不斷增加，來不及處理的屍體被堆放在醫院。

  30. tumatukucu

    這個詞還沒有單獨的錄音

    例句

    cancani kuka matianai cu tumatukucu kuka. ka'anʉ 'apusikarʉ cau cucumeni kuka. papiripiʉn sua kuankuang mataa mau'i. ma'icʉpʉ cau arapiningi. aka cu sua siupai. sikai kanupasʉ nimiakaka kavangvang.

    各個國家開始進行鎖國，限制其他國家的人進入。 觀光業、貿易往來都受到限制。 國內人民不敢出門，各個產業都受到影響，全球經濟因此受到重創。

  31. cumacʉpʉngʉ

    這個詞還沒有單獨的錄音

    例句

    vanai vara'ʉ tamna sukʉmʉa isi, niarakaranana sua cau tamna siacʉvʉrʉ. arapiningi tia 'ururupucu ivici. iripiʉn arakukunu cau. cumacʉpʉngʉ tina'an. tia rarapʉ savuana pa'ici.

    人民因為疫情的影響改變了生活習慣。 出門必須戴著口罩，各場所限制人數、量體溫、噴酒精等防疫措施。

  32. sasʉpatʉ

    這個詞還沒有單獨的錄音

    例句

    sasʉpatʉ cau. rarima cau. nanʉmʉ cau. papitu cau. rararu cau. usʉpatʉ vungavung. urima vungavung. unʉmʉ vungavung. upitu vungavung. uaru vungavung.

    四個人，五個人，六個人，七個人，八個人。 四朵花，五朵花，六朵花，七朵花，八朵花。

  33. sasia

    這個詞還沒有單獨的錄音

    例句

    sasia cau. mamaan cau. maan tacini cau. maan tassa cau. maan taturu cau. maan sasʉpʉtʉ cau. maan rarima cau. maan nanʉmʉ cau.

    九個人，十個人，十一個人，十二個人，十三個人，十四個人，十五個人，十六個人。

  34. kungsʉ

    這個詞還沒有單獨的錄音

    例句

    masini tamna si'ai cucuru niarakaranana cu. kacaua cau tia purusʉvʉ na cau, kacaua cu cau purusʉvʉn. sua purusʉvʉ ia tʉni tuisua kungsʉ. sinmung pacʉpʉngʉ tia makananu purusʉvʉ na cau.

    現代的社會變得愈來愈複雜了，很多人會欺騙別人，也有愈來愈多的人被騙。 騙人的人甚至都可以組成公司，專門思考有哪些騙人的方法。

  35. muiri

    主事焦點.強迫

    這個詞還沒有單獨的錄音

    例句

    sua tia putukio cau noo makacʉkʉna cu na Cienpucai, ka'anʉava makai kari sua tia putukioa nesi. purusʉvʉ tumʉkʉ, purusʉvʉ pa nguani mukusa cikiringa cimʉrʉ, muiri nguani na 'apitarʉ kopa putukio, manʉkʉpai sua araa vantuku.

    當打工者到達柬埔寨時，他們可能會發現自己的工作與當初所承諾的完全不同。 詐騙集團會將打工者騙到偏遠地區，強迫他們在非法工廠或危險工作場所工作，而且工資非常低。

  36. kʉmʉnʉa

    這個詞還沒有單獨的錄音

    例句

    kʉmʉnʉa cu! pakavura iavatu!

    吃飯了！ 快一點回來！

  37. noca'ania

    下午

    例句

    "tia kamu mukusa nanu noca'ania?" kesoni cina.

    ＂你們下午要去哪裡？＂媽媽問。

  38. cungkucu

    橋

    這個詞還沒有單獨的錄音

    例句

    akini taniara. matirupangʉ na tarisinata. maica manu na cungkucu. masikusa na takituturua mataa tangria marisusuna makasi, "tia cu ku muca, 'arupacʉ'ʉra kitai."

    第二天，學校的事情結束以後，小孩走過橋，對著老師和朋友們吼叫：＂我要離去了！ 再見了！＂

  39. 'arivatʉ

    一下子

    例句

    nguani tamna tapi ia, 'arivatʉ maamia kuratumuru cu.

    他們的背簍，一下子就滿了。

  40. pariʉn

    被曬

    例句

    pariʉn taniarʉ navungu in.

    太陽曬著他的頭。

  41. kamusia

    糖果

    例句

    manasʉ nikusuru kasu kumakʉnʉ kamusia, noo kusuru ia, tia mutuanisi.

    你可能吃過量糖果了，如果吃太多，就會蛀牙。

  42. kusuru

    吃過量

    例句

    manasʉ nikusuru kasu kumakʉnʉ kamusia, noo kusuru ia, tia mutuanisi.

    你可能吃過量糖果了，如果吃太多，就會蛀牙。

  43. tacamara

    盤子

    例句

    tavara'ʉ pa tia muranʉ marisinau takupin, tacamara mataa 'arating.

    還會幫忙洗碗盤和筷子。

  44. ravani

    山蘇

    例句

    kʉnʉa ca'ania soni, 'una 'aramʉ tarukuka, 'iciuru, taparu, 'una pa ravani.

    今天的午餐有雞肉、蛋、四季豆，還有山蘇。

  45. sutupuku

    跌倒了

    例句

    totasiarʉ soni, sutupuku kia miaa sumasima'ʉ.

    今天早上，我在玩耍的時候跌倒了。

  46. tukii

    時鐘

    例句

    'una urucin tasiuru sua tukii.

    時鐘有兩支針。

  47. nimovua

    給過

    例句

    nimovua 'ikua cuma vo'orua pituka tukii.

    爸爸給我新的手錶。

  48. vʉrʉngana

    深夜

    例句

    vʉrʉngana cu, 'esi pa putukikio na tanasa.

    夜深了，她還在做家事。

  49. niatʉnʉ

    找到了

    例句

    niatʉnʉ cu! 'esiava mitʉvʉngʉ na kukuca vatu tatia.

    找到了！原來躲在大石頭的後面。

  50. murungarʉ

    火旺盛

    例句

    koo pacʉpʉngʉ! 'acuu murungarʉ 'apuru.

    沒想到！火旺起來了。