第 60 課
-
ariatʉkʉrana marua pakiaturua hla'alua marua suhlatʉ marua tennau karʉkʉhlʉumiiapʉ macahliacikia.
學校有族語老師、有課本還有電腦，常常唸就會了。
ariatɨkɨrana marua pakiaturua ɬaʔaɾua marua suɬatɨ marua tennau karɨkɨɬɨumi:apɨ maʦaɬiaʦikia.
出處生活會話
-
ngasamataingalʉ arumukau siaiiapʉana?
你最喜歡那一門課？
ŋasamataiŋaɾɨ arumukau siai:apɨana?
出處生活會話
-
marumukuaku umiiapʉ sipasuasahli siaiiapakana'aia paratahlisau tʉkʉtʉkʉa.
我喜歡音樂課，那是一堂會讓人放輕鬆心情的課。
marumukuaku umi:apɨ sipasuasaɬi siai:apakanaʔaia parataɬisau tɨkɨtɨkɨa.
出處生活會話
-
talangʉlangʉ maini macuaku pacʉpʉcʉpʉngʉ ta'iaraisaka tʉkʉhlʉa sipiamia mʉlʉngʉsʉa siasuhlatʉ takuliacʉmʉmʉa vahliungu umaiiapʉ.
我覺得有點難，因為語法複雜，單字長，音也不好唸。
taɾaŋɨɾaŋɨ maini maʦuaku paʦɨpɨʦɨpɨŋɨ taʔiaraisaka tɨkɨɬɨa sipiamia mɨɾɨŋɨsɨa siasuɬatɨ takuɾiaʦɨmɨmɨa vaɬiuŋu umai:apɨ.
出處生活會話
-
kani'inahla ngahlaisamana langʉlangʉ?
除此之外，還有什麼困難的呢？
kaniʔinaɬa ŋaɬaisamana ɾaŋɨɾaŋɨ?
出處生活會話
-
alamurukani'i rianicu malika'akaiu mangusipi tarianicumasia pakisia'a uka'acu mʉmʉaka arupakaria hla masitatahlamʉ.
現在年輕人都在外地生活，大部份都說漢語也沒有人可以溝通練習。
aɾamurukaniʔi rianiʦu maɾikaʔakaiu maŋusipi tarianiʦumasia pakisiaʔa ukaʔaʦu mɨmɨaka arupakaria ɬa masitataɬamɨ.
出處生活會話
-
macuaku taluvaʉlʉ muasaku takuliliungu raahli tumimahlaisana kisuahlahlama makari 'arivungu puaili salia tamaimairahlu umarukarihla'alua arupakaricucusalia.
我假日會去拜訪頭目聽他用族語說故事，打電話回家時會故意用族語跟家人溝通。
maʦuaku taɾuvaɨɾɨ muasaku takuɾiɾiuŋu ra:ɬi tumimaɬaisana kisuaɬaɬama makari ʔarivuŋu puaiɾi saɾia tamaimairaɬu umarukariɬaʔaɾua arupakariʦuʦusaɾia.
出處生活會話
-
aunanaia tamucu'ai tʉtʉrʉ piavacangʉ hlapiatʉahlʉ.
那你族語一定說的很好也標準。
aunanaia tamuʦuʔai tɨtɨrɨ piavaʦaŋɨ ɬapiatɨaɬɨ.
出處生活會話
-
ucani atalakiahla karina acahliku kani'i.
我現在只會說簡單的句子。
uʦani ataɾakiaɬa karina aʦaɬiku kaniʔi.
出處生活會話
-
musuaturu ausikia lamuru kirihli mitatahlamʉ mipihlihli kuiasau malipapalakʉ 'alapungu mitahlamʉ maniu tipusa umacʉkakia maruucaniari tapiamasaihlacu mipihlihli.
學習就像小鷹學飛，不停的揮動翅膀練習著，就算跌倒也要爬起來，有一天就會飛的很高很遠。
musuaturu ausikia ɾamuru kiriɬi mitataɬamɨ mipiɬiɬi kuiasau maɾipapaɾakɨ ʔaɾapuŋu mitaɬamɨ maniu tipusa umaʦɨkakia maru:ʦaniari tapiamasaiɬaʦu mipiɬiɬi.
出處生活會話
-
hlialuliriu atʉhlʉngiku kuakuasapu.
你的訓勉我會記在心理不會忘記。
ɬiaɾuɾiriu atɨɬɨŋiku kuakuasapu.
出處生活會話
-
tamsiarina hla api'arahlasʉaku ihlamu patalʉlʉvʉ pakikirimi takualiliungana.
不好意思，我想麻煩你們幫忙安排旅遊的事。
tamsiarina ɬa apiʔaraɬasɨaku iɬamu pataɾɨɾɨvɨ pakikirimi takuaɾiɾiuŋana.
出處生活會話
-
lalima kani'i tam kuatalakiahlʉka pihlingikia takuaiiaili takuliliungu!
五位。這次是難得的家族旅行呢！
ɾaɾima kaniʔi tam kuataɾakiaɬɨka piɬiŋikia takuai:aiɾi takuɾiɾiuŋu!
出處生活會話
-
taluavaʉlana mualualunai inimuhliangahli takuliliungu?
上禮拜你去哪裡玩？
taɾuavaɨɾana muaɾuaɾunai inimuɬiaŋaɬi takuɾiɾiuŋu?
出處生活會話
-
kiʉlʉsʉcucusalia mahlukua tanana'aumu takuliliungu kutumuhlu 'apasʉ hla 'arisakai.
和家人到日本北海道旅行，吃了很多螃蟹和蝦子。
kiɨɾɨsɨʦuʦusaɾia maɬukua tananaʔaumu takuɾiɾiuŋu kutumuɬu ʔapasɨ ɬa ʔarisakai.
出處生活會話